Cussedents da chasas da tgira ed attempads prendan en media mintga di fin set medicaments. Ina quantitad ristganta : medicaments vegnian scumbigliads u i vegn dà ina dosa sbagliada. Quai saja il pli la raschun per las tissientadas.
Tenor il post da cussegliaziun per tissientadas han els ils davos onn survegnì mintga di in u dus cloms d’agid pervi d'ina sbagliada da medicaziun. Sco Hugo Kupferschmidt, directur da Tox Info Suisse, di han els il 2016 survegnì var 500 cloms da chasas da tgira ed attempads. Tenor sias observaziuns sajan il davos temp ils cloms anc s’augmentads.
L’uniun da branscha dal persunal da tgira sa dosta cun l’argument ch’i dettia memia pauc persunal da tgira ed entras quai dapli sbagls.
RR novitads 06:00