Siglir tar il cuntegn
Inhalt

Svizra Tirchia infiltrescha moscheas en Svizra

Il president tirc Recep Tayyip Erdogan fa para valair sia influenza directa sin radund 50 moscheas en Svizra, quai rapportan la «SonntagsZeitung» e «Le Matin Dimanche» sa referind sin atgnas retschertgas.

Muslims che fan oraziun.
Legenda: ntgins Tirics en Svizra las uraziuns dal venderdi sco «pleds da propaganda da la partida da la regenza islam-conservativa AKP». Keystone

Tenor quellas vegnan 35 imams en Svizra pajads dal ministeri da religiun tiric ad Ankara. Coordinà vegn il sustegn da las moscheas sur la fundaziun tirca-islama per la Svizra. Quella organisescha tranter auter permissiuns da dimora per ils imams. Il president dal cussegl da fundaziun è il schef dal ministeri da religiun persunalmain, in stretg confident da Erdogan.

Pregias da propaganda

Tenor las gasettas resentan intgins Tirics en Svizra las uraziuns dal venderdi sco «pleds da propaganda da la partida da la regenza islam-conservativa AKP». Dunnas vegnian sfurzadas da purtar il faziel da chau.

RR novitads 07:00