Siglir tar il cuntegn
cuntegn

Svizra Tirchia deplorescha che Berna na chastia betg demonstrants

La Tirchia deplorescha la decisiun da las autoritads da la citad da Berna da betg punir demonstrants ch’eran marschads durant ina demonstraziun cun in placat cunter Erdogan.

Placat cunter Erdogan durant ina demonstraziun a Berna.
Legenda: Pervia da quest placat pretendan las autoritads tircas ch’ils demonstrants vegnan punids. Keystone

La Tirchia pretenda anc adina che las persunas vegnian chastiadas, scriva il ministeri da l’exteriur tirc. L’inspecturat da polizia da la citad da Berna aveva decis da betg intervegnir cunter las persunas che purtavan quest placat dispitaivel. Tenor las autoritads na saja la lescha da protestas betg vegnida tangada.

RR actualitad 18:00