Siglir tar il cuntegn
Inhalt

Svizra Timebelle represchenta la Svizra a Kiew

La Svizra trametta la gruppa Timebelle cun la chanzun «Apollo» al Eurovision Song Contest.

Il televoting vuscha per Timebelle

La gruppa Timebelle cun la chantadura rumena Miruna Manescu, ses cumpatriot Emanuel Daniel Andriescu e Samuel Forster vegn a represchentar la Svizra il matg al Eurovision Song Contest a Kiew.

La gruppa ha gudagnà cun la chanzun «Apollo» il televoting en la show decisiva dad SRF la dumengia saira.

Timebelle gia avant dus onns candidat per l'ESC

Timebelle era gia stada en la show dad SRF avant dus onns. Lura aveva gudagnà la gruppa las vuschs dal publicum, dentant betg quellas da la giuria.

Quest'onn ha mo il televoting quintà. Il num da la gruppa vegn mess en connex cun il clutger dal Zytglogge – Timebelle vala sco gruppa bernaisa.