Siglir tar il cuntegn
Inhalt

Svizra TI: Fin per gasetta quotidiana Giornale del Popolo

La sonda cumpra la gasetta per l'ultima giada. Quai sco consequenza dal concurs dal commerzialisader da reclama Publicitas. Quai ha communitgà l'editur.

inscripziuns dals biros e redacziuns da la gasetta Giornale del Popolo
Legenda: Pervi da mancanza d'entradas cunzunt tar la reclama ha la gasetta quotidiana Giornale del Popolo deponì la bilantscha. Keystone

L'entschatta da l'onn era la gasetta sa spartida da la gasetta Corriere del Ticino, suenter 14 onns collavuraziun. La raschun: differentas visiuns per il futur. La gasetta ha patì sco bleras autras era da la digren d'inserats e cunzunt da la reclama en las gasettas.

La gasetta Giornale del Popolo pledentava cunzunt ina clientella catolica. A la fin aveva la gasetta radund 35'000 lecturas e lecturs. 30 persunas perdan lur plazza pervi da la fin da la gasetta.

RR novitads 16:00