Siglir tar il cuntegn

Svizra Thomas Greminger daventa nov secretari general da l'OSCE

Quatter posts tar l'OSCE èn stads libers enfin ussa. Il post dal secretari general duai - sco i para - vegnir occupà dal Svizzer Thomas Greminger.

Purtret da Greminger.
Legenda: Thomas Greminger daventa nov secretari general da l'OSCE Keystone

Tar in inscunter da ministers da l'exteriur da l'Organisaziun per la segirezza e la collavuraziun en l'Europa, OSCE han diplomats ditg a l'agentura austriaca, APA che Thomas Greminger daventia nov secretari general da l'OSCE.

Quatter posts èn vegnids occupads

Tar l'inscunter a Marbach hai dà plirs success tar dumondas da persunal. Quatter posts auts eran fin qua betg occupads. La decisiun formala duai suandar mesemna.

Greminger è gia avant vegnì discussiunà sco successur per il post dal secretari general da l'OSCE. Nov cumissari per minoritads vegn tenor circuls da diplomats ad esser il Talian, Lamberto Zannier. El è dapi la fin zercladur betg pli en l'uffizi sco secretari general da l'OSCE.

La ministra da l'exteriur da l'Islanda, Ingibjörg Solrun Gisladottir duai daventar scheffa dal biro per instituziuns democraticas e dretgs umans. L'anteriur minister franzos, Harlem Desir, duai daventar nov incumbensà per la libertad da medias.

OSCE è nagut da nov per Greminger

Greminger lavura dapi bunamain 30 onns en diversas funcziuns per il Departament federal d’affars exteriurs. Il davos en la Direcziun da svilup e collavuraziun DEZA.
L’OSCE n’è betg in champ nov per Greminger. Cura che la Svizra aveva il presidi da l’organisaziun, l’onn 2014 era Greminger il represchentant permanent da la Svizra.

RR novitads 12:00