Plinavant vul il Cussegl federal obligar ils chantuns da conceder ina deducziun d'almain 10’000 francs. La mesira duai gidar a meglierar la cumpatibilitad da mastergn e famiglia.
Fin uss pudevan ins trair giu da la taglia federala directa 10’100 francs per uffant. Quai na stettia en blers cas betg en relaziun cun ils custs effectivs. Las deducziuns da taglia pon vegnir fatgas da geniturs che dovran pervi da la professiun ina tgira d'uffants externa.
La Confederaziun avess cun questa reducziun da taglia 10 milliuns francs damain entradas ad onn. Ils chantuns perdessan radund 25 milliuns francs. Il Cussegl federal quinta dentant che las plazzas supplementaras creadas da nov cumpenseschian las perditas d'entradas.
RR novitads 15:00