Siglir tar il cuntegn

Header

cuntegn

Svizra Tgi ha schanzas sin in Swiss Music Award?

Venderdi saira han lieu ils Swiss Music Awards: la pli impurtanta saira per la industria da musica en svizra.

Ils Bernais Lo & Leduc han fitg bunas schanzas da gudagnar in Swiss Music Award, cunquai ch’els èn nominads trais giadas. Sper ils artists da pop, sco per exempel Yokko u Ed Sheeran, èn questa giada era nominads artists da schlagher.

Artists da schlagher als Swiss Music Awards

Quest onn vegn ad esser l’emprima giada ch’artists da schlagher pon insumma sa participar als SMA's. Quai suenter ch’ils organisaturs han midà il reglament. Beatrice Egli vegn a pudair profitar da quest midament. Ella è nominada duas giadas per in SMA. Helene Fischer è nominada en la categoria internaziunala per il meglier album.

Ils Swiss Music Awards pudais Vus guardar live sin SRF 2 a las 19:55. Noss moderaturs da la parada da hits Adrian Stecher e Livio Chistell èn live da la partida per vus e tegnan vus sin il current sur Twitter e Facebook. Sonda vegnan els alura a preschentar in’ura speziala a chaschun dals SMA's, quai suenter las 14:00 al Radio Rumantsch.

Artitgels legids il pli savens