Siglir tar il cuntegn
cuntegn

Svizra Tgi che paja decida: Cassas da malsauns vulan dapli influenza

Cassas da malsauns e lur uniuns duajan pudair intervegnir tar decisiuns da las regenzas chantunalas a glistas d’ospitals e chasas da tgira. Per survegnir quai ha cusseglier naziunal e president da Santésuisse Heinz Brand inoltrà in'iniziativa parlamentara. Betg perencletgs èn chantuns ed ospitals.

Legenda: Tadlar il audio Tgi che paja duai decider – quai vul il president da Santèsuisse e cusseglier naziunal Heinz Brand.. Durada 02:57 minutas.
02:57 min, Actualitad dals 16.06.2017.

Heinz Brand na vul betg dapli ospitals sin la glista d'ospitals: Dapli ospitals significhia dapli custs per las cassas da malsauns ed in augment tar las premias.

Tgi che paja duai avair in pled en chapitel

La Svizra haja gia avunda ospitals en tut las regiuns ch'èn sin la glista. Las cassas da malsauns pajan e cun quai duajan ellas er avair la pussibilitad d'intervegnir, è il president da Santèsuisse persvadì:

Portrait Heinz Brand.
Legenda: Heinz Brand (PPS/GR). Keystone
Sch'ins metta anc dapli ospitals sin la glista, sche lura vegnan las premias da las cassas da malsauns pli autas.
Autur: Heinz BrandCusseglier naziunal e president da santésuisse

Fin a l'onn 2010 deva quai gia quel'opziun per las cassas.

Chantuns vulan decider er vinavant sez

Auter vesa quai la Conferenza svizra da las directuras e dals directurs chantunals da sanadad (CDS) e l'Uniun dad ospitals svizzers «h+». Per els fiss quai cleramain dapli birocrazia e cun quai che la Confederaziun intervegniss en chaussas dals chantuns damain influenza per quels:

Quai na porta nagut, mo dapli birocrazia.
Autur: Michael JordiConferenza svizra da las directuras e dals directurs chantunals da sanadad

Sche l'idea da Heinz Brand ha ina schanza u betg decida il Cussegl naziunal probablamain en la sessiun d'atun.

RR actualitad 07:10

Glistas d'ospitals

Mintga regenza chantunala decida tge ospitals che vegnan sin las glistas. Ils ospitals ch'èn alura sin la glista han da porscher als paziaints in provediment da basa ch'il chantun definescha. Cassas da malsauns sco er il chantun finanzieschan ina part da quests ospitals.