Siglir tar il cuntegn
Inhalt

Svizra Tgi che discriminescha razzas, po vegnir sclaus da l’armada

Igl è stà endretg ch'il commando militar da l’armada svizra ha sclaus in schuldà da l'armada.

Infantarists da l'armada svizra stattan en ritscha.
Legenda: Era plirs delicts pli pitschens pon tanscher per vegnir sclaus da l’armada svizra. Keystone

L'um mussia tant tendenzas violentas sco era tendenzas da discriminaziun da las razzas. Uschia ha la Dretgira administrativa federala argumentà sia sentenzia.

Damai ch'il schuldà avess gì da vegnir promovì, aveva l’armada fatg ina controlla da segirtad. Quella ha demussà che l’um era involvì en pliras proceduras penalas, e ch'el era schizunt vegnì sentenzià pervi da discriminaziun da las razzas e pervi d'avair cuntrafatg a la lescha dad armas. In'autra procedura è anc pendenta.

La lescha militara prevesa explicitamain in’exclusiun or da l’armada, sch’insatgi vegn sentenzià pervi d’in delict u pervi d’in crim.

RR Novitads 15:00