Legenda:
Para ha la firma Disposan problems da furnir avunda tests, suenter che blers eran stads contaminads.
Keystone
Il material per far tests da corona en scolas e firmas pudess daventar stgars las proximas emnas. Suenter che blers tests eran vegnids contaminads cun scherms, han ins stuì remplazzar els l'entschatta da fanadur. La firma che venda ils tests ha ussa problems da furnir, ha rapportà Blick.ch. L'uffizi federal per sanadad ha confermà a l'agentura da novitads Keystone-SDA d'esser en contact cun las firmas ed ils chantuns per chattar ina schliaziun dals problems.
Cunquai ch'ils tests valan sco products medicinals e betg sco products curativs na dovri nagin consentiment da Swissmedic. Uschia restia il ball tar la firma Disposan che producescha ils tests. Da lezza firma n'è anc nagin stà cuntanschibel per prender posiziun.