Siglir tar il cuntegn

Svizra Test da sirenas vegn repetì

Tenor l'Uffizi federal per la protecziun dal pievel han ins chattà las raschuns per las pannas tar l'ultim test. I sa tracta d'in sbagl dal program.

Ina sirena sin in tetg.
Legenda: Test da sirenas vegn repetì durant l'emprim semester dal 2018. Keystone

Tar il test da sirenas dals 7 da favrer hai dà in problem tecnic cun il cumond a distanza. L'administratur dal sistem haja immediat prendì mesiras per schlliar quest problem. Dapi la saira dal test da sirenas funcziunia puspè d'activar las sirenas cun il cumond a distanza. Independent da quai saja adina stà pussaivel dad activar las sirenas a maun.

Il sbagl dal program vegn uss eliminà tant pli spert dal tuttafatg. Per controllar che tut funcziuna senza problems, vegni a dar anc en l'emprima mesadad dal 2018 in segund test da sirenas.

RR novitads 17:00