Siglir tar il cuntegn
Inhalt

Svizra Tessin ha approvà refurma da taglia

Il chantun Tessin ha approvà pez a cup la refurma da taglia e dals fatgs socials quai sulet cun differenza da 193 vuschs.

Purtret da la citad da Bellinzona.
Legenda: Il pievel Tessinais ha decidì da distgargiar autas facultads e da sustegnair famiglias. Keystone

Da la refurma da taglia duain burgais cun gronda facultad e firmas profitar a partir dal 2020. En il medem mument vul il chantun sustegnair famiglias cun ina premia da naschientscha da 3'000 francs per uffant e cun sustegnair la tgira d'uffants.

In pledader dals adversaris dal project ha ditg a l'agentura da novitads sda ch'i saja anc avert sch’els pretendian ina segunda dumbraziun da las vuschs, quai en vista a las paucas vuschs differenza.

La refurma da taglia pretenda actualmain 35'000 francs taglia sin ina facultad da 10 milliuns. A partir dal 2020 èn quai anc 20'000 francs taglia. Tenor calculaziun dal comité da referendum custass quai il chantun mintg'onn 50 milliuns francs.

RR novitads 17:00