Tessin dal Sid patescha

Las autoritads tessinaisas averteschan da la concentraziun da particlas finas.

Traject autostrada en il Tessin cun tempo 80 pervi da particlas finas l'onn 2010.

Legenda da maletgs: Traject autostrada en il Tessin cun tempo 80 pervi da particlas finas l'onn 2010. Keystone

Il Tessin dal Sid patescha d'ina concentraziun da particlas finas che cuntanscha la valur critica. La raschun saja la mancanza da plievgia da las davosas emnas ed il traffic dals pendularis. Quai scriva il Departament da traffic tessinais.

Damai che l'aura empermetta da restar bella en il Tessin dal Sid n'excludan las autoritads betg da limitar temporarmain la spertadad sin 80 kilomters l'ura sin autostradas e vias naziunalas.

Ultra da quai appellescha la regenza tessinaisa da desister mintgatant sin l'auto e da stgaudar chasas ed abitaziuns cun mesira.

RR novitads 16:00