En il project vegnan cartas dal di dals territoris da skis Pizol, Son Gagl e Belalp en il Vallais purschidas per in pretsch pli bass. Quai sche l'aura n'è betg buna. Tut tenor l'aura vegnan las cartas reducidas fin 50%, scriva la scol'auta. Dapi il schaner hajan ins pudì vender 2'200 da questas cartas dal di. Il dumber da clients novs saja creschì sin la Belalp per 20% e sin il Pizol per 36%.
Ils rabats rendan
Sco emprimas evaluaziuns mussan, attira la purschida da cartas dal di per pretschs pli bass novs giasts, communitgescha la scol’auta. Plinavant saja l’acceptanza auta tar la clientella, e las entradas sajan stadas pli autas ch’ils rabats sin las cartas dal di.
RR actualitad 12:00