En ils chantuns Glaruna e Basilea-Champagna ha stremblì la terra pliras giadas ier saira. Tenor il Servetsch seismologic svizzer da l’ETH Turitg saja l’epicenter dal pli ferm da quest terratrembels stà ad Elm en il chantun Glaruna. El haja gì ina fermezza da 4,4. Era parts dal Grischun han sentì quest terratrembel, tranter auter la Surselva e la regiun da Cuira. Silsuenter haja dà plirs terratrembels posteriurs, tranter auter a Gelterkinden en il chantun Basilea-Champagna.
Magnituda 4 plitost rara
Terratrembels cun ina fermezza da passa 4 sajan en Svizra relativamain rars. Tenor l’ETH pon terratrembels da questa fermezza era chaschunar donns pitschens. Fin uss ha il Servetsch seismologic registrà quest onn passa 940 stremblidas en Svizra.