Siglir tar il cuntegn
Inhalt

Svizra Terratrembel en il chantun Vad

Il terratrembel saja succedì curt suenter las 10:00 datiers da Chateau d'Oex, uschia il servetsch da terratrembel svizzer.

carta cun l'epicenter dal terratrembel en la regiun da Château d'Oex
Legenda: Il terratrembel è vegnì registrà en la regiun da Château d'Oex enturn las 10:10. Servetsch seismologic svizzer

Tenor il Servetsch seismologic svizzer haja il terratrembel gì ina fermezza da 4,3 sin la scala da Richter. I saja pussaivel ch'ins haja sentì il terratrembel en tut la Svizra. Pitschens donns sajan era pussaivels tar ina fermezza da 4,3.

Sumegliants terratrembels datti mintga in fin trais onns en Svizra. L'ultim è stà la saira dals 6 da mars 2017 a Linthal en il chantun da Glaruna. Cun ina fermezza da 4,6 sin la scala da Richter è quai stà il pli ferm terratrembel dapi passa 10 onns. Suenter il terratrembel ferm avevi anc dà bun 30 pli flaivels.

RR novitads 11:00