Siglir tar il cuntegn

Header

cuntegn

Terrassas pon avrir Berset: «La situaziun resta fragila»

Malgrà questa situaziun fragila pon terrassas puspè avrir ed er occurrenzas pon puspè avair lieu. Quai cun maximal 50 persunas endadens e maximal 100 persunas en il liber – sa chapescha cun purtar mascrinas e tegnair distanza.

Questas schluccadas datti a partir dals 19 d'avrigl:

  • Bars e restaurants pon avrir dadora
  • Manaschis da cultura e temp liber sco era da sport pon puspè avrir (er endadens)
  • Occurrenzas èn puspè pussaivlas cun maximal 15 persunas
  • Occurrenzas cun public èn lubidas cun maximal 50 persunas endadens, maximal 100 persunas dadora
  • Instrucziun da preschientscha a las scolas autas è puspè pussibel.

Vinavant vala:

  • Inscunters privats cun maximal 10 persunas
  • Obligatori da homeoffice
  • Reglas per sport e cultura per persunas sut 20 onns
  • Serrà restan: Ustarias e bars (endadens), discos, locals da sautar, bogns da wellness e temp liber (endadens)
  • Obligatori da mascras
  • Testar, testar, testar

audio
Malgrà che la situaziun è fragila, datti in pèr schluccadas ils 19 d'avrigl
ord Actualitad dals 14.04.2021.
laschar ir. Durada: 5 minutas 3 Secundas.

Las schluccadas en detagl:

La situaziun epidemiologica saja vinavant fragila ed er sa pegiurada durant las ultimas emnas. Quatter da las tschintg valurs per decider n'èn betg ademplidas per il mument. Plinavant n'è anc betg cler, sch'igl ha dà sur Pasca dapli infecziuns en ils circuls da famiglia e collegas.

video
Berset: «La situaziun resta fragila»
Or da News-Clip dals 14.04.2021.
laschar ir. Durada: 1 minuta 24 Secundas.

Premissas lubeschian schluccadas moderadas

Tuttina ha il Cussegl federal vulì schluccar. Raschun è ch'il dumber da las ospitalisaziuns s'augmentia per il mument pli pauc en cumparegliaziun cun il dumber da cas. Plinavant giaja vinavant cun las vaccinaziuns: Prest 50% da las persunas sur 80 onns sajan vaccinadas e radund 30% da las persunas tranter 70 e 79, ch'appartegnan a la gruppa da risico. Plinavant saja la situaziun sin las staziuns intensivas relativamain stabila.

Ultra da quai haja il Cussegl federal er resguardà las consequenzas economicas e socialas – en spezial en vista a la giuventetgna ed als creschids giuvens.

Avrir cun ristg calculà

Il Cussegl federal è pertschert dal ristg entras las schluccadas. Sche las ospitalisaziuns s'augmentian puspè, pertutgia quai pli e pli persunas pli giuvnas. Uschia sajan gia oz radund la mesadad da tuttas ospitalisaziuns, persunas sut 65 onns.

video
Berset: «Igl è pussaivel d'ir en in ristg»
Or da News-Clip dals 14.04.2021.
laschar ir. Durada: 54 Secundas.

Tut tenor svilup en ils ospitals, regia dentant er il privel che las schluccadas vegnan puspè revocadas. Perquai appellescha il Cussegl federal a la populaziun da restar precauta, en spezial persunas en la gruppa da risico che vegnan las proximas emnas ad esser vaccinadas cumplainamain e vegnan lura ad esser protegidas bain d'ina infecziun e dad in decurs grev da Covid-19.

RTR Livestream 16:30

Artitgels legids il pli savens