Siglir tar il cuntegn

Header

audio
Bunura: Game of Thrones: Marco Giger suenter l'emprima episoda
Or da Actualitad dals 15.04.2019.
laschar ir. Durada: 2 minutas 50 Secundas.
cuntegn

Svizra Tensiun crescha tar fans da Game of Thrones

Marco Giger (22 onns) è in fan incharnà da Game of Thrones. Sco milliuns auters fans va el la dumengia saira betg a letg. El spetga fin las trais la notg, lura cumenza en ils Stadis Unids l’ultima stafla da la saga da fantasia. La seria ha pitgà tut ils records d’aspectaturs.

Marco Giger vul restar a chasa e giudair tut persul l’emprima episoda da l’ultima stafla. Ma propi persul n’è el betg: En ils chats ed en las foras marschan chaudas discussiuns e speculaziuns. Suenter l’emprima episoda vegn Marco Giger a discutar cun ils auters fans mintga detagl – fin las sis a bun’ura. Lura sto el ir a lavurar.

Per Game of Thrones vali la paina da star nanavant.
Autur: Marco Giger Fan da Game of Thrones
audio
Bunura: Games of Thrones – il fan Marco Giger avant 8avla stafla
ord Actualitad dals 13.04.2019.
laschar ir. Durada: 4 minutas 44 Secundas.

Per Marco Giger cuntegn la saga tut quai ch'i dovria – amur, sgarschur e snavur. La seria sa basa sin ils cudeschs da George R.R. Martin. L’autur american n’ha anc betg terminà l’ultim tom da sia saga da fantasy. La settavla stafla ch’era cumparida il 2017 ha gia filà vinavant il raquint. Ils amaturs da la seria intervegnan ils 19 da matg cun l’ultima episoda.

RR actualitad 08:00

Artitgels legids il pli savens