Siglir tar il cuntegn
Inhalt

Svizra Temps difficils per commerzi svizzer-tudestg

Il commerzi da la Svizra cun la Germania è en la crisa. Tant ils exports sco er ils imports cun il pli impurtant partenari commerzial da la Svizra èn sa reducids per plirs pertschients l'onn passà.

Ina tavla cun il scrit Zoll e Douane.
Legenda: Bunamain 30% da tuts imports svizzers derivan da la Germania. E 18% da l'export svizzer va en Germania. Keystone

Ils exports èn sa reducids per 5,1 pertschient sin 37 milliardas francs ed ils imports per 8,2 pertschient sin 47 milliardas. Quai scriva la Chombra da commerzi Germania-Svizra.

Mender che suenter crisa finanziala

Las cifras actualas dal barat da raubas e servetschs èn uschia lunsch sut il record bass da l’onn suenter la crisa da finanzas 2009. Lez onn muntava il volumen da commerzi a be 89 milliardas francs.

Tuttina resta il vischin en il nord il partenari commerzial il pli impurtant per la Svizra. Uschia deriva bunamain in terz da tut ils imports en noss pajais da la Germania.

RR novitads 12:00