Temp da stad – durmir in’ura damain

La notg sin dumengia ha cumenzà il temp da stad. En ils blers pajais europeics è l'ura vegnida messa enavant da las 02:00 sin las 03:00, uschia che la notg è stada per in'ura pli curta.

Duas uras: ina mussa las 02:00 l'autra las 03:00

Legenda da maletgs: Cun la midada da l'ura sin il temp da stad restì la saira pli ditg cler e la damun pli ditg stgir. Keystone

Il temp da stad era vegnì introducì per motivs da spargnar energia. Tenor ils critichers è in tal effect però strusch da cumprovar. Il temp da stad dura enfin ils 25 d'october. Lura vegnan las uras puspè messas enavos per in'ura.

Secunda supplementara la stad

L'entschatta da la stad èsi però anc ina giada da metter enavant las uras, quai communitgescha l'insitut federal per meterologia. La fin da zercladur vegn numnadamain mess tranteren in’ulteriura segunda (Schaltsekunde) en il temp da referenza mundial che dat en il tact a tut las zonas da.

Ultima secunda è vegnida vitiers il 2012

La secunda supplementara vegn intorducida perquai che la terra sa mova il mument in zic pli plaun. Dapi il 1972 vegn quella secunda mintgamai introducida ils 31 da december u ils 30 da zercladur. L’ultima secunda è vegnida vitiers il 2012.

RR novitads 06:00