Interpresas en Svizra na duajan betg vegnir deliberadas da las taxas da radio e televisiun. La Cumissiun da traffic e telecommunicaziun dal Cussegl dals chantuns ha refusà in'iniziativa parlamentara. Quai han communitgà ils servetschs dal parlament.
L'argument è ch'ins na duaja betg puspè midar il sistem d'incassament, suenter ch'ins haja introducì quel pir l'entschatta da quest onn. Il Cussegl naziunal percunter aveva approvà l'iniziativa cun ina gronda maioritad en la sessiun d'atun.
D'accord èn las cumissiuns dals dus cussegls che cuminanzas da lavur na duain betg stuair pajar dubel las taxas. La Cumissiun da traffic e telecommunicaziun dal Cussegl dals chantuns ha l'incumbensa d'elavurar ina regulaziun excepziunala.
Ord l'archiv:
audio
Serafe – tge sa mida cun la nova «Billag»?
ord Co e cum dals 03.01.2019.
Maletg: Serafe
laschar ir. Durada: 2 minutas 43 Secundas.
RR novitads 14:00