Siglir tar il cuntegn
cuntegn

Svizra Tarmed resta en vigur fin la fin 2017

Il Cussegl federal prepara ina modificaziun parziala da la tariffa da medis 'Tarmed'. Cun questa mesira vuless el evitar ina situaziun senza basa legala.

Laboranta medicinala vi da la lavur
Legenda: Laboranta medicinala vi da la lavur. pixabay

Las tariffas da medis vegnan regladas en l'uschenumnà Tarmed. Quel vala en blers cas sco antiquà. Uschia datti per exempel operaziuns ch'èn vegnidas pli simplas, ma che vegnan indemnisadas vinavant tenor la tariffa veglia. En il focus stattan las prestaziuns sco per exempel la radiologia, la medischina dals egls, la dermatologia ed era la medischina da culiez, nas ed ureglias.

Sch’il Cussegl federal po anc franar ils custs che creschan permanent causa il progress en la medischina ed era causa la demografia, è anc avert. In emprim text da consultaziun davart las tariffas 'Tarmed' modifitgadas vul il Cussegl federal preschentar l’emprim mez onn dal 2017.

RR novitads 14:00