Siglir tar il cuntegn
Inhalt

Svizra Tar l'SRG SSR duai vegnir spargnà marcantamain

La cumissiun da telecommunicaziun dal Cussegl naziunal – fa ponderaziuns da spargnar tar la SRG SSR.

Purtret d'in telecomander ed il logo da la Billag.
Legenda: La cumissiun da telecommunicaziun federala vul savair tge consequenzas ch'i avess sch'il budget da l'SRG vegniss sminuì. Keystone

En connex cun l'iniziativa per abolir las taxas da radio e televisiun «No-Billag», vul la cumissiun da telecommunicaziun dal Cussegl naziunal dapli infurmaziuns da l'administraziun federala. Spezialmain vul ella savair tge consequenzas che respargns avessan tar la SSR.

Oz survegn l'SRG SSR 1,2 milliardas francs ad onn. La cumissiun vul savair tge consequenzas ch'i avess sch'ils custs vegnissan reducids sin 1 milliarda u perfin sin 750 milliuns

Sin tala dumonda da la cumissiun vegn la SRG a respunder cun tutta transparenza, tge consequenzas che tals scenaris pudessan avair.
Autur: Roger de WeckDirectur general da l'SRG

La lescha actuala pretenda da l'SRG da servir l'entira populaziun tematicamain vast. En la sessiun da primavaira n'aveva l'iniziativa «No-Billag» gì nagin sustegn en il Cussegl dals chantuns.

RR novitads 18:00