Memia bler traffic è lunsch ora la pli impurtanta raschun ch'i dat colonnas sin las autostradas svizras. E bunamain 10% da las colonnas derivan d'accidents, cunzunt durant il traffic suenter la lavur. Plazzals percunter èn responsabel be per 1,5% da las colonnas.
Gia oz maina la problematica da las colonnas ad accidents, stress, retards e custs massivs economics da milliardas. Era l'ambient patescha pervi da las emissiuns nuschaivlas perquai ch'il traffic va «Stop-and-go», pia cun trasora stuì star airi e puspè ir.
Per quests motivs vul l'ASTAG, l'Associaziun svizra dals transports stradals che la regenza fetschia uschè svelt sco pussibel vinavant cun Il NAF, il fond per las vias naziunalas ed il traffic d'aglomeraziun. Per che stretgas sin las vias vegnian eliminadas e las capacitads da las vias auzadas.
RR novitads 15:00