Siglir tar il cuntegn

Svizra Tamedia – Goldbach sut la marella da la WEKO

La Tamedia sto spetgar pli ditg cun surpigliar la Goldbach. La WEKO vul examinar da rudent la transacziun. I dettia indizis che quai pudess manar ad in monopol, communitgescha la Cumissiun da concurrenza.

logos da Tamedia e Goldbach
Legenda: La Cumissiun da concurrenza vul examinar il cas avant che la Tamedia surpiglia la Goldbach. Keystone

La Tamedia cuntanschia cun passa 50 mediums e las paginas online ina gronda part da la populaziun svizra. E Goldbach da l'autra vart saja il pli impurtant commerzialisader da medias electronicas.

Tenor la WEKO planiseschian las duas interpresas ina purschida che cumpiglia: Televisiun, Radio, medias stampadas e medias online. La transacziun n'è uschia betg pussaivla avant il settember che vegn. Tamedia quinta però ch'i saja malgrà las examinaziuns da la Cumissiun da concurrenza pussaivel da surpigliar la Goldbach.

RR novitads 09:00