Siglir tar il cuntegn

Header

cuntegn

Svizra Taler da tschigulatta per parcs e curtins

Uschia vulan la Protecziun da la patria e la Pro natura vulan sensibilisar la glieud per la muntada da spazis verds en vitgs e citads.

Il taler da tschigulatta

Avrir la box Serrar la box

El è vegnì fundà avant 70 onns sco idea per mantegnair il lai ed il conturn dal Lai da Segl en l'Engiadina. Dapi lura vegn el vendì mintg'onn da scolaras e scolars da la quarta fin sisavla classa ed era als spurtegls da la Posta per sustegnair projects da la Protecziun da la patria e da la Pro natura.

Parcs natirals sco il Parc Naziunl u il Parc Adula ch'è en planisaziun na survegnan nagins daners or dal retgav da la vendita dal taler da tschigulatta. La Pro natura sustegnia bain tals projects, era cun daners, dentant n'haja quai sustegn da far nagut cun il taler da tschigulatta, uschia la declaraziun da Pro natura.

Er sch'ils daners da l'acziun 2016 van a favur da parcs e curtins vegnian plitost organisadas occurrenzas d'infurmaziun e discussiun cuntut. Sustegn direct per dettia quai damain, uschia Patrick Schoeck da la Protecziun da la patria. Cun il retgav dal taler da tschigulatta da bun dus milliuns francs pudess ins tenor Schoeck be finaziar ina fin duas sanaziuns u renovaziuns da parcs u curtins.

Nus dain pli gugent ils impuls per ch'autra glieud seglia sin il tren. Quai porta dapli che da sanar insanua in baun u ina funtauna.
Autur: Patrick Schoeck manader cultura da bajegiar tar la protecziun da la patria
audio
Saira: Retgav dal taler da tschigulatta 2016 en favur da parcs e curtins
ord Actualitad dals 29.08.2016.
laschar ir. Durada: 2 minutas 36 Secundas.

Cura, nua ed en tge rama ch'ils daners vegnan investids decidan principalmain las secziuns chantunalas. Tranter ellas vegn il retgav repartì. Uschia saja quai bain pussaivel ch'i dettia acziuns regiunalas, finaziadas cun quests daners pir in u dus onns suenter la rimnada. Ils daners sajan liads vid in tschert tema. Quest onn - era en connex cun l'onn naziunal da curtin - saja quai parcs e curtins.

RR actualitad 17:00

Artitgels legids il pli savens