Fin l’onn 2011 na stuevan ils purs betg pajar la taglia federala directa sin gudogns or da la vendita da terrens. Alura aveva il Tribunal federal limità quest privilegi. Uschia che per terren en zona da bajegiar sto ins, tenor la Constituziun, pajar taglia.
Liberaziun da taglia
Sinaquai ha il Cussegl naziunal empruvà d’introducir puspè la liberaziun da taglia. E quai cunter la voluntad dal Cussegl federal e dal Cussegl dals chantuns. Quests plans ha il Cussegl naziunal ussa dà si. La Confederaziun avess uschiglio gì mintg’onn 400 milliuns francs damain entradas.
RR novitads 17:00