Siglir tar il cuntegn
Inhalt

Svizra Syngenta: Americans dattan glisch verda

Cun l'acquisiziun da Syngenta fa ChemChina la pli gronda cumpra d'ina interpresa chinaisa en l'exteriur. Il comité per investiments en l'exteriur dals Stadis Unids ha dà ses consentiment.

Containers da Syngenta sin in prà.
Legenda: La Syngenta vegn embartgada en la China. Keystone

La cumpra dal concern svizzer d'agro-chemia Syngenta tras il concern chinais ChemChina è pussaivla. Las autoritads americanas hajan acceptà che ChemChina surpiglia Syngenta, quai annunzian ils dus concerns. La transacziun duai succeder anc quest onn.

La cumpra dal concern cun sedia a Basilea tras ChemChina dovra il consentiment da differentas autoritads da cartel, la posiziun americana vala dentant sco decisiva. Il concern chinais vul pajar passa 41 milliardas francs per Syngenta.

RR novitads 07:30