Siglir tar il cuntegn
cuntegn

Svizra Swissquote è ruschnà en las cifras cotschnas

La banca online Swissquote è ruschnada en las cifras cotschnas l'emprim semester da quest onn. Quai cunzunt pervi da reservas extraordinarias che la banca ha stuì far en vista a l'aboliziun dal curs minimal da l'euro.

La banca online Swissquote ha stuì metter da la vart 25 milliuns francs.
Legenda: La banca online Swissquote ha stuì metter da la vart 25 milliuns francs. Keystone

La pitga impurtanta da la fatschenta da Swissquote è il commerzi cun devisas. Ma gist quest è daventà fatal per la banca. Blers clients che speculeschan cun valutas estras, èn vegnids tschiffads sin il fauss pe suenter l'aboliziun dal curs minimal da l'euro. Lur contos èn ruschnads en il minus. Per cuvrir quels ha Swissquote ussa stuì metter da la vart 25 milliuns francs.

RR novitads 12:00