La «davosa miglia» en la rait da la Swisscom vegn er duvrada dad ulteriurs concerns da telecommunicaziun. Persuenter ston els pajar taxas a la Swisscom. La Cumissiun federala da communicaziun ComCom sto uss anc ina giada ir sur ils cudeschs e calcular da nov ils pretschs.
Ils 18 da december aveva Sunrise purtà plant cunter questas taxas. Il Tribunal administrativ federal ha dà raschun a Sunrise, almain per part.
RR novitads 20:00