Siglir tar il cuntegn

Header

5G.
Legenda: Keystone
cuntegn

Svizra Swisscom metta en funcziun 5G

Dapi mesanotg è la rait da 5G da la Swisscom en funcziun, scriva il concern da telecommunicaziun en ina communicaziun. 54 citads e vitgs en Svizra hajan uss 5G. Tranter quels èn era Cuira, Tavau, San Murezzan, Domat e Malix.

La Swisscom ha survegnì la concessiun per sia rait da 5G da la cumissiun da communicaziun (ComCom). Cunquai pon il concern nizzegiar las novas frequenzas da 5G per ils proxims 15 onns.

Gia l'emna passada aveva la Swisscom communitgà, ch'i vegnia mess en funcziun la rait da 5G, uschespert ch'ins haja la concessiun. Fin la fin da l'onn vul l'interpresa cuvrir 90% da la Svizra cun la nova frequenza.

Per recepir 5G na basta però betg mo la rait. I dovra in abunament spezial sco era ils dretgs apparats. Ils emprims apparats da 5G pon vegnir cumprads a partir dal matg.

RR novitads 08:00