Siglir tar il cuntegn
cuntegn

Svizra Swiss sgola a bass

La societad aviatica Swiss patescha dal ferm franc e d’ina dumonda pli pitschna. Uschia ha l’interpresa era fatg damain gudogn l’emprim quartal, numnadamain 56 pertschient damain cumpareglià cun il 2015. Anc sin mender curs sa chatta il concern-mamma Lufthansa cun in minus da 53 milliuns euros.

In aviun da la Swiss.
Legenda: Nagina surpraisa. Las bleras interpresas aviaticas perdan all'entschatta da l'onn, cunquai che blers fan lur viadis pir durant la stad. Keystone

La societad aviatica Swiss ha fatg in gudogn da 22 milliuns francs il prim quartal da quest onn. Quai èn 56% damain ch'avant in onn.

Las raschuns per questa sminuziun èn tenor la Swiss il ferm franc sco era damain passagiers. La svieuta è tschessada per 7% sin bun ina milliarda francs.

Il concern-mamma da la Swiss, la Lufthansa, ha fatg durant il medem temp ina sperdita da 53 milliuns euros.

Las perspectivas per la Swiss sajan bunas. La modernisaziun da la flotta fetschia progress. Il ferm franc vegnia dentant ad engrevgiar ils retgavs vinavant .

RR novitads 11:00