Svizra - Swiss Re resta schanegiada da charas catastrofas
La reassicuranza Swiss Re ha gudagnà dapli ils 3 emprims mais da l'onn. Cumpareglià cun il medem temp da l'onn passà saja il gudogn creschì per 17% sin 1,4 milliardas dollars.
Quai communitgescha il segund grond concern da reassicuranzas dal mund. Surtut la sparta assicuranza da chaussas saja stada rentabla cunquai ch'i haja dà damain catastrofas.
Las entradas da premias èn cun 7,6 milliardas dollars stadas sin il nivel da l'onn passà. Swiss Re sa vesa sin curs en connex cun sias finamiras finanzialas.
