Swiss Re fa pli pauc gudogn pervi da catastrofas natiralas

Cumpareglià cun l'emprima mesadad dal 2016 ha la Swiss Re fatg quest onn pli pauc gudogn. Il gudogn è sa reducì per 35% sin 1,2 milliardas dollars. L'onn avant era quel anc tar 1,9 milliardas dollars.

logo da la Swiss Re avant il bajetg a Turitg

Legenda da maletgs: L'emprim mez onn dal 2017 ha la Swiss Re fatg pli pauc gudogn che anc il 2016. Keystone

Motiv per quest svilup èn tranter auter catastrofas natiralas. Sulettamain il ciclon Debbie en l'Australia haja custà l'assicuranza 360 milliuns dollars. Plinavant na sajan investiziuns betg sa pajadas sco l'onn passà. Quai ha communitgà il concern cun sedia a Turitg.

Cun quest resultat ha Swiss Re manchentà las spetgas dals analists ch'avevan quintà cun in pli aut gudogn, dad almain 1,4 milliardas dollars.

RR novitads 08:00