Swiss Re fa cumissiuns en ils Stadis Unids

Il concern da reassicuranza Swiss Re ha cumprà dal concurrent american «Independence Holding Company» ina sparta d'assicuranzas. Quai per 152,5 milliuns dollars.

logo da la swiss re avant il bajetg

Legenda da maletgs: La transacziun concreta vul la Swiss Re concluder anc quest emprim quartal 2016. Keystone

La Swiss Re cumpra la fatschenta, nua che patruns offran ina tscherta protecziun tras l'assicuranza da malsauns. Ella occupeschia radund 100 emploaids en ils Stadis Unids, ha communitgà il concern svizzer.

La transacziun duai vegnir realisada l'emprim quartal da quest onn. Cun questa cumpra vul Swiss Re engrondir sia sparta «Corporate Solutions» che venda agens products da primassicuranza.

RR novitads 16:00