Il concern da reassicuranza Swiss Re ha gudagnà meglier il terz quartal. Cumpareglià cun l'onn passà è il gudogn creschì per 14% sin 1,4 milliardas francs, communitgescha il concern svizzer.
La raschun per quest resultat saja ch'i haja dà damain catastrofas da la natira. Plinavant saja la fatschenta cun assicuranzas da vita marschada bain. Cunquai surpassa Swiss Re cleramain las spetgas dals analists. Quels avevan fatg quint cun in gudogn da bun 960 milliuns.
