Swiss Re cumpra Guardian Financial Services

Il re-assicurader Swiss Re cumpra per 2,4 milliardas francs l'interpresa britannica Guardian Financial Services. Uschia vegnan radund 900'000 polissas ord la Gronda Britannia e l'Irlanda tar la Swiss Re. L'interpresa duai rinforzar la posiziun da la sparta Admin Re, scriva Swiss Re.

bajetg da crap, davant il logo da Swiss Re

Legenda da maletgs: Swiss Re rinforza sia sparta d'assicuranzas da vita. Reuters

En questa sparta vul Swiss Re daventar in dals pli gronds purschiders da portefeuilles d'assicuranza da vita nua ch'ella ha uss passa 4 milliuns polissas.

Vitiers vul la Swiss Re generar dapli daners e dauzar la rentabilitad da l'agen chapital. «La surpigliada è ina buna pussaivladad per Admin Re, d'engrondir la fatschenta e da diversifitgar il portfolio» uschia vegn cità il schef da Swiss Re, Michel Liès.

Anc approvar la cumpra ston las cumissiuns da concurrenza. La finiziun da la transacziun saja da spetgar baud l'onn 2016, scriva Swiss Re.

RR novitads 7:30