Siglir tar il cuntegn

Header

Navigaziun

Uss vegnan ils capricorns gagliards.
Legenda: Uss vegnan ils capricorns gagliards. RTR
cuntegn

Svizra Swiss Olympic sustegna «Sion 2026»

Il comité executiv da Swiss Olympic ha decis da sustegnair la candidatura da Sion per gieus olimpics d'enviern il 2026. Uschia è la candidatura lantschada uffizialmain.

Il project da gieus olimpics d’enviern «Sion 2026» ha surmuntà in ulteriur obstachel. Ils criteris pretendids d’ina candidatura innovativa, nova e cun in potenzial naziunal sajan ademplidas, ha communitgà il comité suenter las examinaziuns dal project.

Uschia sa preschenta la candidatura Sion 2026.
Legenda: Uschia sa preschenta la candidatura Sion 2026. mad

Swiss olimpic sustegn candidatura cun 8 milliuns francs

La candidatura è vegnida approvada dal comité executiv cun gronda maioiritad da 12 cunter 1 vusch. Unanima ha il comité alura decis da surpigliar in terz dal budget per la candidatura quai che munta 8 milliuns francs.

La decisiun dal comité executiv sto anc vegnir approvada dal parlament da sport il pli aut gremi da Swiss Olympic a la sesida dals 11 d’avrigl. La votaziun finala nua ch’ils gieus olimpics d’enviern 2026 han lieu vegn fatga dal Comité olimpic internaziunal l’atun 2019.

RR novitads 20:00