La societad aviatica Swiss ha fatg 1,4% dapli sgols durant ils emprims sis mais dal 2016. Il dumber dals passagiers è dentant sa reducì per 0,9% sin 7,71 milliuns.
Lufthansa cun meglras cifras
Sco l'interpresa communitgescha saja la Swiss uschia sa sviluppada main bain che l'entira gruppa da la Lufthansa. Lezza ha augmentà tant ils sgols sco era il dumber dals passagiers transportads (+0,7% sin 51,29 miu.).
Il zercladur perencunter saja il dumber dals passagiers era creschì tar la Swiss. Il plus da l’ultim mais munta a 0,7% u 1,42 milliuns passagiers.
RR novitads 14:00