Siglir tar il cuntegn

Svizra Swiss Life: Ils acziunaris pon sa legrar

Il concern d'assicuranza da vita Swiss Life ha fatg dapli gudogn ed ils acziunaris survegnan dapli dividendas.

Logo Swiss Life.
Legenda: D'engraziar è l'augment da gudogn cunzunt a la nova orientaziun dal concern. Keystone

Il concern d'assicuranzas Swiss Life vul augmentar las dividendas per aczias dad 11 francs sin 13,5 francs.

Quai pon ils acziunaris engraziar al bun onn da fatschenta dal 2017: Il gudogn da l'interpresa è s'augmentà per 9% sin 1,013 milliardas. La raschun per il plus surproporziunal è la nova orientaziun da la pli gronda assicuranza da vita svizra: Swiss Life è il 2017 sa focusà pli fitg sin l'administraziun da facultad e sin servetsch enstagl sin l'affar d'assicuranza da vita tradiziunal.

RR novitads 08:30