Il concern d’assicuranzas da vita Swiss Life è vegni contactà da la giustia en ils Stadis Unids pervi da fatschentas cun clients americans. Sco Swiss Life scriva veglian els cooperar cun las instituziuns americanas. Il portfolio da clients americans muntia a radund 250 milliuns francs quai saja pli pauc che anc ils onns passads. Tut las indicaziuns sur da contracts d’assicuranza sajan vegnidas registradas ed annunziadas, scrivan las autoritads americanas.
Pussaivladad da zuppentar daners
Tar la fatschenta sur cunfin pertutgada sa tractia d'assicuranzas da vita cumplexas, uschenumnads «Wrappers». En quests mantès d'assicuranzas pon clients privats investir lur daners cun cundiziuns favuraivlas. Uffizialmain pon quests «Wrappers» vegnir nizzegiads per optimar a moda legala la taglia, vegnan però er crititgads perquai ch'il client pudessi uschia er zuppar daners da taglia.
RR novitads 17:00