L'assicurader da vita svizzer Swiss Life ha fatg l'onn passà in gudogn da 878 milliuns francs. Quai èn 7% dapli cumpareglià cun l'onn avant. E quai era sche Swiss Life ha incassà damain premias.
A quest resultat hajan tut las unitads contribuì, communitgescha Swiss Life. En Svizra ha il concern meglierà il gudogn per 10%. Il motor da quai èn stadas las mesiras da spargn dal concern.
Dapli dividenda
Ils acziunaris profiteschan d’ina pli auta dividenda. Da nov survegnan els 8.50 francs per aczia, quai èn dus francs dapli ch’enfin ussa.
