Siglir tar il cuntegn
Inhalt

Svizra Svizzers van gugent cun tren

La Svizra è danovamain campiunessa europeica dad ir cun tren. Quai demussa ina statistica internaziunala.

Persunas che entran en il tren.
Legenda: Ils Svizzers prendan gugent il tren: en media 59 giadas per onn. Reuters

L'onn passà è la clientella ida en media 59 giadas en in tren. Sulettamain en il Giapun capita quai cun 72 giadas ad onn anc pli savens.

Sin il terz plaz è il Luxemburg cun 40 viadis. Suenter suonda il Danemarc cun 34, l’Austria cun 29, la Gronda Britannia cun 26 e la Germania cun 25 viadis. Sin il davos plaz da la glista da rangaziun è la Svezia cun be trais viadis per persuna ad onn.

Areguard la distanza absolvida è la Svizra dentant propi a la testa da l'entir mund, quai cun 2277 kilometrers.

RR novitads 14:00