Siglir tar il cuntegn
cuntegn

Svizra Svizzers na vulan betg limitar temp da manaschi d'ovras atomaras

Las bleras Svizras e Svizzers vesan l’energia d’ovras atomaras sco necessaria per il provediment electric. Quai demussa ina retschertga da l’institut da perscrutaziun Demoscope fatga sin l’incarica da Swissnuclear, ina gruppa da lavur da pliras societads electricas svizras.

L'implant atomar Leibstadt en il chantun Argovia.
Legenda: L'implant atomar Leibstadt en il chantun Argovia. Keystone

Sco il studi mussa, èn 66% dals dumandads da l’opiniun da laschar a la rait las ovras atomaras uschè ditg ch’ellas èn segiras. 70% dals dumandads èn da l’opiniun, che las ovras atomaras èn er segiras.

Segirar il provediment e restar autonom

Cleras pretensiuns han ils dumandads era a la midada sin il sectur da l’energia: 88% dals dumandads èn da l’avis che questa midada na dastga betg periclitar la segirezza da provediment. Per passa ¾ dals dumandads èsi fitg impurtant che la Svizra resta energeticamain independenta da l’exteriur.

RR novitads 14:00

La retschertga

Demoscope ha dumandà 2’207 persunas en l’entira Svizra. La retschertga è vegnida fatga per la 16avla giada. La finamira da la retschertga èsi da mesirar l’atmosfera generala da Svizras e Svizzers areguard l’energia atomara e la politica d’energia.