Siglir tar il cuntegn
cuntegn

Svizra Svizzers han duvrà 1,9% dapli energia il 2016

Consumentas e consuments sco era l'industria svizra han duvrà il 2016 dapli energia che l'onn avant.

Purtret d'in um vid tancar.
Legenda: L'onn passà è puspè vegnì duvrà dapli energia. Keystone

Cunzunt l'aura pli frestga haja procurà ch'il consum d'energia saja creschì per bunamain dus pertschient il 2016, scriva l'Uffizi federal d'energia. Ulteriuras raschuns sajan stadas la buna situaziun economica e la populaziun svizra che saja creschida.

Duvrà dapli han ils Svizzers e las Svizzras era carburant, quai per l'emprima giada dapi trais onns. Creschì è il consum per 0,4% cumpareglià cun l'onn avant. L'ieli da diesel è creschì per 1,1%, quel dal benzin è sa sminuì per 3,1%.

Creschì marcantamain è il diever da carburants biogens. Quel è creschì per 72% cumpareglià cun il 2015. Entaifer ils ultims trais onns è quai dumber creschì per il setdubel. La cumpart dals carburants biogens fa dentant or be radund 1,6% da tut il carburant duvrà.

RR novitads 14:00