L'onn 2017 ha rut il trend creschent dal consum da pesch sur blers onns: ils Svizzers han mo pli consumà 8,6 kilograms pesch per persuna. Quai èn 3,4% pli pauc che l'onn precedent.
Il pli fitg ha la reducziun tangà las forellas cun in minus dapli che 10%. Ma er il salmun (-3,2%) ed ils bastunets da pesch (-2,1%) han ils Svizzers mangià pli darar.
Auts pretschs: schlet per la vendita, bun per la svieuta
Responsabel per questa midada sajan ils pretschs ch'èn tenor indicaziuns da l'Uffizi federal d'agricultura stads per 1,4% pli auts il 2017.
Grazia als pretschs pli auts dumbra la fiera tuttina 0,7% dapli svieuta – tiers quai che pli pauc pesch è ì sur la teca.
RR novitads 15:00