Siglir tar il cuntegn

Svizra Svizzers fan mintga di 37 km en il traffic

Mintga Svizzer e mintga Svizra ha fatg l'onn 2015 mintga di en media 36,8 km. Quai è pli u main tuttina bler sco l'onn 2010. Il temp è dentant sa reducì per 1,3 min sin 90,4 minutas a di. Quai è il resultat dal studi «microcensus mobilitad e traffic» che l'Uffizi da statistica ha publitgà.

traffic en la citad, da vesair autos, velos ed in töf
Legenda: Dus terzs dals viadis vegnan fatgs en l'auto, la cumpart da tren è s'augmentada levet. Keystone

Il pli impurtant med da transport resta l'auto cun ina cumpart da distanza da 65%. La cumpart dal tren è s'augmentada da 19 sin 20%. Quai resorta d'ina retschertga da l'Uffizi federal da statistica. 5% dal traject vegnan fatgs a pe, 4% cun il traffic public.

grafica davart la mobilitad
Legenda: Grafica davart la mobilitad da Svizras e Svizzers. BFS, ARE

Mesirà cun il temp da viadi fan ils marschs a pe or il pli bler. En media va mintga Svizra e mintga Svizzer mintga di radund ina mes'ura a pe.

grafica davart la mobilitad da Svizras e Svizzers
Legenda: Cura vegn fatg tge viadis e per tge intent. BFS, ARE

Per il studi èn vegnids dumandads 57'090 persunas per telefon.

RR novitads 11:00