Siglir tar il cuntegn
Inhalt

Svizra Svizzers e Svrizras cumpran dapli autos novs

Tenor l’indicatur da la banca UBS è il clima dal consum en Svizra sa meglierà levet il mars. Surtut è la dumonda suenter autos novs creschida. Tar il commerzi en detagl resta la situaziun dentant vinavant pessimistica.

Vaguns da tren cun autos novs.
Legenda: Surtut la dumonda suenter autos novs è s'augmentada. Keystone

En general è il consum en Svizra s’augmentà: L’indicatur da la banca UBS è creschì da 1,45 puncts il favrer sin 1,50 puncts il mars. Las raschuns per quest svilup positiv saja surtut la dumonda pli auta suenter autos novs.

Tar il commerzi en detagl resta la situaziun però vinavant pessimistica. La raschun per quest clima negativ sajan tenor l’UBS d’ina vart il franc ferm e da l'autra vart il commerzi online che s’extendia adina pli fitg. Ils economs da la banca na fan betg quint cun in meglierament da la situaziun dal commerzi en detagl il proxim temp.

RR novitads 10:00