Siglir tar il cuntegn

Svizra Svizzers e Svizras èn cuntents cun sistem da sanadad

Quai mussa il monitor da sanadad gfs che sa basa sin l'enquista da 1'200 persunas.

Dus letgs d'ospital cun ina tgirunza.
Legenda: La gronda part da las Svizras e dals Svizzers èn cuntent cun il sectur da la sanadad. Keystone

La gronda part da las Svizras e dals Svizzers èn cuntents cun il sectur da la sanadad. Quai resulta dal monitor da sanadad gfs che l'associaziun da branscha Interpharma ha publitgà. En general giavischan las 1'200 persunas dumandadas ch’il sectur da sanadad s’orienteschia pli fitg a la quantitad e qualitad e pli pauc als custs.

9 da 10 persunas dumandadas èn cunter experiments, sco per exempel il budget global che vegn discutà actualmain. Lez portia dapli temp da spetga e restrenschia la libertad d'eleger il medi. Radund 3 da 4 dumandads van or da quai che betg pli tuts medicaments fissan accessibels a tut ils pazients.

L'introducziun d'in budget global era vegnida proponida – sper ulteriuras mesiras – d'ina gruppa d'experts internaziunala e discutada l'ultim atun dal Cussegl federal. Sche las finamiras na vegnissan betg tegnidas en, avess quai per consequenza sancziuns sco per exempel indemnisaziuns pli bassas.

RR novitads 11:00